ოდესის ოლქის გუბერნატორმა 2015 წელს პოსტზე ყოფნისას გამოიმუშავა 38600 გრივნა, რაც 1500 დოლარამდეა – აცხადებს მიხეილ სააკაშვილის მიერ შევსებული დეკლარაციის მონაცემებზე დაყრდნობით „უკრაინსკაია პრავდა“. გარდა ამისა, სააკაშვილს გააჩნია ორი ანგარიში უცხოეთში, რომელზედაც 57000 დოლარი და 48000 ევროა განთავსებული და ანგარიში უკრაინის ბანკში 130.000 გრივნის (5000-მდე დოლარი) ოდენობით. დეკლარაციაში, აგრეთვე, მითითებულია, რომ მის სახელზე რეგისტრირებულია 6820 და 500 კვ.მეტრის ორი მიწის ნაკვეთი, სახლი -97 კვ. მეტრი, ხოლო მის ოჯახზე – 754 კვ. მეტრის საცხოვრებელი ფართი. სააკაშვილის დეკლარაციაში სატრანსპორტო საშუალებები დარეგისტრირებლი არ არის!