როგორც აზერბაიჯანული მედია წერს, ტელეარხ LifeNews-ის ჟურნალისტები აზერბაიჯანიდან გააძევეს – ამის შესახებ ქვეყნის საგარეო საქმეთა სამინისტროს პრეს-სამსახურის ხელმძღვანელმა ხიკმეტ გაჯიევმა გაავრცელა.
მისი თქმით, LifeNews-ის თანამშრომლები რესპუბლიკის ტერიტორიაზე აკრედიტაციის გარეშე მოქმედებდნენ, გარდა ამისა, არასწორ ინფორმაციას ავრცელებდნენ.
“აზერბაიჯანულმა მხარემ მათ მიმართ კეთილი ნება გამოხატა, მაგრამ LifeNews-ის თანამშრომლები თავიანთ პროვოკაციულ მოქმედებებს აგრძელებდნენ. ამ ყველაფრის გათვალსწინბით, მათი ყოფნა აზერბაიჯანში არაგონივრულია” – განაცხადა პრეს-სამსახურის ხელმძღვანელმა.