რუსთავიდან მიღებული ინფორმაციით, 12 წლის გოგონაზე ძალადობა განხორციელდა.არსებული ინფორმაციით, 40 წლამდე მამაკაცმა 12 წლის გოგონა ძალის გამოყენებით კორპუსის სარდაფში ჩაკეტა. შემთხვევა XIX მიკრო-რაიონში 20 საათზე მოხდა. აღნიშნულ ფაქტს ადგილობრივები შეესწრნენ, რომლებმაც გოგონას დასახმარებლას 112-ში დარეკეს. შემთხვევის ადგილზე ოპერატიულად გამოცხადდა საპატრულო და კრიმინალური პოლიცია, ასევე მობილიზებული იყო სასწრაფო სამედიცინო დახმარების ბრიგადა.
შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 126 მუხლის I პრიმა ნაწილით მიმდინარეობს, რაც არასრულწლოვანზე ფიზიკურ ზემოქმედებას გულისხმობს.
