რამდენიმესაათიანი დაკითხვის შემდეგ რუსთავი 2-ის თანამშრომელმა კახა კუბლაშვილმა შსს-ს შენობა დატოვა. უწყებაში განმარტავენ, რომ ტელეკომპანიის ფინანსური დირექტორის მძღოლი დაკითხვაზე მედიაში გავრცელებული ინფორმაციის საფუძველზე გასაუბრებაზე დაიბარეს იმისათვის, რომ დამატებითი დეტალები გაერკვიათ.
საუბარია რუსთავი 2-ის მიერ 8 დეკემბერს გავრცელებულ ინფორმაციაზე, რომლის თანახმადაც სახელმწიფო უსაფრთხოების სამსახურის (სუს) წარმომადგენლები კახა კუბლაშვილის გადაბირებას ცდილობდნენ. ისინი კუბლაშვილის ხელფასითაც დაინტერესდნენ და თანხმობის შემთხვევაში, პირობების გაუმჯობესებასაც დაჰპირდნენ.