აფხაზ მაშველებს რუსი მაშველებიც შეუერთდნენ რიწაში დაღუპული ურალის სასაზღვრო სამმართველოს ეკონომიკური საქმიანობის უფროსის მოადგილის ვადიმ მიასნიკის სამძებრო სამუშაოებში, რომელიც მეორე დღეა მიმდინარეობს.
აფხაზეთის ფე-ფაქტო საგანგებო სიტუაციების მინისტრის ლევ კვიცინიას თქმით, მან გუშინ მიმართა რუსეთის შესაბამის სამსახურებს დახმარებისთვის. „დღეს უკვე 20-ზე მეტი მაშველი დაიწყებს სამძებრო სამუშაოებს. მათ თან ჩამოიტანეს სპეციალური მოწყობილობები, მათ შორის ხუთი ერთეული ტექნიკა, რომელიც ტბის ძნელად მისაღწევ ადგილებში ძებნას გააადვილებს“ – განაცხადა კვიცინიამ.
შემთხვევის ადგილას მაშველემბა კარვები გამართეს.
დაღუპული 46 წლის არის და ის რიწაზე მეუღლესთან, შვილებთან და მეგობრებთან ერთად ისვენებდა.
ძებნა ტბის რთული რელიეფის გამო გართულდა.