დღეს რუსეთში, მარი ელის რესპუბლიკის შინაგან საქმეთა მინისტრმა, გენერალმა ვიაჩესლავ ბუჩნევმა, საკუთარ კაბინეტში, ტაბელური იარაღით თავი მოიკლა. რუსული წყაროების ცნობით, გენერლის მიმართ, რომელიც ოფიციალურად შვებულებაში იმყოფებოდა, პროკურატურა, თანამდებობის ბოროტად გამოყენების მუხლით სისხლის სამართლის საქმის აღძვრას გეგმავდა.
აღსანიშნავია, რომ მარი ელის რესპუბლიკას (მთავრობის მეთაური ლეონიდ მარკელოვი) რომლის მოსახლეობა 700 ათასამდეა (დედაქალაქი იოშკარ-ოლა) ავტონომიური რესპუბლიკის სტატუსი არ გააჩნია… ის ითვლება რესპუბლიკად (სახელმწიფოდ) რუსეთის ფედერაციის შემადგენლობაში და რუსულთან ერთად, ფლობს საკუთარ სახელმწიფო ენას.
