რუსეთში ფეხბურთის მსოფლიო ჩემპიონატზე ოფიციალურ ჰიმნს უილ სმიტი შეასრულებს

timer.ge თაიმერი
: timer.ge თაიმერი მაისი 27, 2018 02:24

რუსეთში ფეხბურთის მსოფლიო ჩემპიონატზე ოფიციალურ ჰიმნს უილ სმიტი შეასრულებს

ფეხბურთის მსოფლიო ჩემპიონატისთვის, რომელიც რუსეთში ჩატარდება, ოფიციალურ სიმღერას “Live It Up” (“გაიხარე სიცოცხლით”), ცნობილი ჰოლივუდელი მსახიობი და მომღერალი უილ სმიტი ორ მუსიკოსთან ერთად ასრულებს. სიმღერა 3,28 წუთი გრძელდება, ის 25 მაისს ერთდროულად რამდენიმე სტრიმინგ სერვისზე გამოქვეყნდა, მათ შორის iTunesи Spotify-ზე.
უილ სმიტთან ერთად სიმღერის ჩაწერაში მონაწილეობდა რეგეის მუსიკოსი და მომღერალი ნიკი ჯემი, რომელიც სამხრეთ ამერიკაში განსაკუთრებული პოპულარობით სარგებლობს, ასევე, კოსოვოელი მომღერალი ერა ისტრეფი. პროექტის პროდიუსერია ამერიკელი მუსიკოსი ტომას უესლი პენცი, რომელიც ცნობილია როგორც DJ Diplo.

სამივე მუსიკოსი სიმღერას ცოცხლად შეასრულებს ფეხბურთის მსოფლიო ჩემპიონატის ფინალური მატჩის დაწყებამდე, რომელიც 15 ივლისს არის დაგეგმილი მოსკოვში “ლუჟნიკის” სტადიონზე. თამაშს დაახლოებით 80 ათასი გულშემატკივარი დაესწრება სტადიონზე და ეკრანებთან მილიარდ მაყურებელს შეკრებს – ფიფა ვარაუდობს.
3 მაისს ფიფას პრეზიდენტმა ჯანი ინფანტინომ განაცხადა, რომ რუსეთშუი ჩემპიონატისათვის მიმდინარე სამზადისით კმაყოფილია.

timer.ge თაიმერი
: timer.ge თაიმერი მაისი 27, 2018 02:24

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,552
ვიზიტორი
დღეში
Powered By Google Analytics