რუსეთის შს სამინისტრომ დღეს ოფიციალურად გაავრცელა, რომ უკრაინის ყოფილ პრეზიდენტს ვიქტორ იანუკოვიჩს რუსეთის ტერიტორიაზე დრობითი თავშესაფარი მისცა – დღეს უკრაინული მედია ავრცელებს პოლიტიკოსის ადვოკატის ვიტალი სერდიუკის განცხადებაზე დაყრდნობით.
“თქვენს თხოვნაზე, რომელიც 2016 წლის 4 ივლისს შემოიტანეთ, გაცნობებთ შემდეგს: უკრაინის მოქალაქეს ვიქტორ იანუკოვიჩს რუსეთის ფედერაციის ტერიტორიაზე დროებითი თავშესაფარი მიენიჭა” – მედია რუსეთის შსს-დან მიღებული წერილიდან ციტატას აქვეყნებს.
შეგახსენებთ, რომ ვიქტორ იანუკოვიჩთან დაკავშირებით უკრაინაში სისხლის სამართლის საქმეა აღძრული.