არასამთავრობო ორგანიზაცია „სამართალდამცავთა დაცვის ლიგა“ პოლიტპატიმართა 190 კაციან სიაში, 42 – ე ნომრით გათავისუფლებული თემურ გორდელაძისა და პოლიტპატიმართა სიაში 152-ე ნომრით შეყვანილი ფრიდონ დევრიშაძის საქმის კონკრეტულ დეტალებთან დაკავშირებით განცხადებას ავრცელებს, რომელსაც უცვლელად გთავაზობთ:
“პოლიტპატიმართა 190 კაციან სიაში, 42 – ე ნომრით შეყვანილია, 1977 წელს დაბადებული თემურ გორდელაძე, რომელიც 2009 წლის 21 ივნისს, თბილისში, კეკელიძის ქუჩაზე განსაკუთრებით დიდი ოდენობით ნარკოტიკით იქნა დაკავებული. გორდელაძეს გამოძიებასთან თანამშრომლობის შედეგად 12 წლით თავისუფლების აღკვეთა მიესაჯა. როგორც გაირკვა თემურ გორდელაძე პოლიტპატიმართა სიაში იქნა შეყვანილი. ის 2012 წლის 13 იანვარს, რუსთავის 17 დაწესებულებიდან გათავისუფლდა.
პოლიტპატიმართა სიაში 152 – ე ნომრით შეყვანილია ფრიდონ დევრიშაძე. ის 2007 წლის 20 ნოემბერს საქართველოში განსაკუთრებით დიდი ოდენობით ნარკოტიკის, კერძოდ 2კგ. ჰეროინის შემოტანისთვის დააკავეს. დევრიშაძეს 260-ე მუხლის III ნაწილით გავთვალისწინებული დანაშაულის ჩადენისათვის სამუდამო პატიმრობა მიესაჯა. გავრცელებული ინფორმაციით დევრიშაძის ინტერესების დამცველი იყო ადვოკატი, ამჟამად საქართველოს პარლამენტის დეპუტატი მანანა კობახიძე. გვაქვს საფუძვლიანი ეჭვი, რომ სწორედ ადვოკატის დამხმარებით მოხვდა ნარკოვაჭარი ფრიდონ დევრიშაძე პოლიტპატიმართა სიაში. „პოლიტპატიმარი“ ფრიდონ დევრიშაძე, 2012 წლის 13 იანვარს რუსთავის 6 დაწესებულებიდან განთავისუფლდა”.ნათქვამია “სდლ”-ს განცხადებაში.
