ინტენსიური გაწმენდითი სამუშაოების შედეგად მისაბმელიანი ავტოტრანსპორტის მოძრაობა თბილისი–სენაკი–ლესელიძის საავტომობილო გზის კმ138–კმ157 (რიკოთის უღელტეხილი) აღდგენილია.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, აღნიშნულ მონაკვეთზე მისაბმელიანი ავტოტრანსპორტის მოძრაობა წუხელ ინტენსიური თოვის შედეგად შექმნილი ვითარების გამო აიკრძალა.