ცენტრალური სადაზვერვო სამმართველოს საიდუმლო დოკუმენტები, რომელიც “ვიკილიქსის” ხელში მოხვდა, საიტს, სავარაუდოდ, სამოქალაქო მოსამსახურეებმა გადასცეს, რომლებიც სამმართველოში კონტრაქტით მუშაობენ. მათი პიროვნებები დგინდება – დღეს Reuters-მა გაავრცელა სადაზვერვო სამსახურში საკუთარ წყაროზე დაყრდნობით.
სააგენტო აღნიშნავს, რომ საიდუმლო მასალების შესაძლო გაჟონვა ცენტრალურმა სადაზვერვო სამმართველომ გასული წლის ბოლოს დააფიქსირა.
მარტის დასაწყისში, როცა WikiLeaks-მა 8,7 ათასზე მეტი დოკუმენტი გამოაქვეყნა, ეს ეჭვები დადასტურდა.
WikiLeaks-ი ირწმუნება, რომ სამმართველომ საკუთარ არქივზე კონტროლი დაკარგა და ახლა ის საერთაშორისო ჰაკერებისათვის ხელმისაწვდომია. თვითონ დაზვერვის სამსახურს გამოქვეყნებული დოკუმენტების ავთენტურობა არ დაუდასტურებია.