რესპუბლიკელების ნაწილი რესპუბლიკელი ტრამპის წინააღმდეგ დემოკრატ კლინტონს დაუჭერს მხარს

news
: news მარტი 4, 2016 20:29

რესპუბლიკელების ნაწილი რესპუბლიკელი ტრამპის წინააღმდეგ დემოკრატ კლინტონს დაუჭერს მხარს

აშშ-ში ათობით რესპუბლიკელმა, რომლებიც ე.წ. “ნეოკონსერვატორებს” მიეკუთვნებიან, ღია წერილი გამოაქვეყნეს, სადაც საკუთარი პარტიის ფავორიტის, დონალდ ტრამპის წინააღმდეგ გამოდიან. წერილს 95 ექსპერტი-რესპუბლიკელი აწერს ხელს. მათ შორის ყოფილი პრეზიდენტის, უმცროსი ჯორჯ ბუშის ეროვნული უსაფრთხოების საკითხებში მრჩეველი პიტერ ფივარი, აშშ-ს ყოფილი სახელმწიფო მდივანი კონდოლიზა რაისი, პენტაგონის ყოფილი ჩინოვნიკი დოვ ზაკხეიმი და სხვა.

ისინი მილიარდელს ადანაშაულებენ იმაში, რომ “მისი ხედვა ამერიკის მსოფლიო გავლენებთან დაკავშირებით ველური ფორმებით გამოიხატება” და “ის (ტრამპი-რედ) ერთი წინადადებით, იზოლაციონალიზმიდან ავანტურისკენ მიექანება” – თვლიან პოლიტიკოსები.
განცხადების ავტორების თქმით, ტრამპის პროპაგანდა სავაჭრო ომთან დაკავშირებით, ეს არის “ეკონომიკური კატასტროფის გამომწვევი, რომელიც გლობალურად მსოფლიოში ბევრს შეეხება” – აღნიშნავენ რესპუბლიკელები.

მათივე განცხადებით, ტრამპი კრიტიკას იმსახურებს დაკავებული ტეორისტების მიმართ ძალის გამოყენების აღდგენის სურვილის, მუსლიმების მიმართ აგრესიული გამონათქვამების, “სამხრეთ მეზობლის” (მექსიკა-რედ) მიმართ სიძულვილის გამოხატვის გამო.

“ბატონი ტრამპის გამოსვლებით იმ აზრამდე მივდივართ, რომ ის პრეზიდენტის პოსტზე საკუთარი თანამდებობით ისარგებლებს, რომ მისი მოღვაწეობის მანძილზე ამერიკა ნაკლებად უსაფრთხო გახდეს, ამერიკის მსოფლიო ავტორიტეტი კი – დამცირებული” – ნათქვამია წერილში.
წერილის ერთ-ერთი ხელისმომწერი, ელიოტ კოენი მიიჩნევს, რომ ტრამპის არჩევა “ამერიკის შიდა პოლიტიკისთვის ნამდვილი კატასტროფა იქნება”, ჰილარი კლინტონის კი “ნაკლები უბედურება”.

news
: news მარტი 4, 2016 20:29

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,930
ვიზიტორი
დღეში
Powered By Google Analytics