(video)რატომ ურეკავდა მიხეილ სააკაშვილი ბიძინა ივანიშვილს

timer.ge თაიმერი
: timer.ge თაიმერი თებერვალი 25, 2016 23:20

(video)რატომ ურეკავდა მიხეილ სააკაშვილი ბიძინა ივანიშვილს

GDS ავრცელებს ვახტანგ კომახიძის, ბექა კემულარიას და ბესო კურტანიძის დოკუმენტურ ფილმს „ლილიოდენდრონი“, რომელიც ციხისძირიდან ხეების გადარგვასთან დაკავშირებულ სკანდალს ეხება.

„რატომ ადანაშაულებდა „ნაციონალური მოძრაობა“ ივანიშვილს უნიკალური მცენარეების უკანონო გადარგვაში. ვისი პროვოცირებულია ბათუმის ბოტანიკური ბაღის უსაფუძვლო სკანდალი; რატომ ადანაშაულებდა „ნაციონალური მოძრაობა“ ბიძინა ივანიშვილს უნიკალური მცენარეების უკანონო გადარგვაში; როგორ და ვისზე გასხვისდა ბოტანიკური ბაღის მიმდებარე სანაპირო ზოლი ერთ ლარად, ექსპრეზიდენტ სააკაშვილის ბრძანებულებით და ყალბი დოკუმენტაციით“ – ფილმის ავტორების თქმით, ამ საკითხებს ეხება ფილმი, რომელშიც აღნიშნულ თემებზე თავად ბიძინა ივანიშვილიც საუბრობს.

„2004 თუ 2005 წელი იყო, როდესაც სააკაშვილმა  თბილისის ბოტანიკურ ბაღთან დაკავშირებით გახშირებული რეკვა დაიწყო, მერე ბათუმიც მოაბა მაგას. ვერ გავიგე, რომელი მათგანის გასხვისება უნდოდა. მე ვუთხარი, რომ არ შეიძლება ამაზე საუბარი და ეს არის საერთო მოხმარების. მერე მითხრა, ერთი შენი იყოს და ერთი ჩვენიო. მე ვუპასუხე, მაგას როგორ ვიკადრებ-მეთქი. შემდეგ თქვა, რომ პრივატიზაცია უნდოდა და მკითხა, მივიღებდი თუ არა  მონაწილეობას, რაზეც უარი ვუთხარი, მაგრამ აღვნიშნე, რომ თუ ვნახავ, რომ რაღაცას უხეშად აკეთებთ და მათ შესაძლოა, ფუნქცია დაკარგონ, ვიყიდი მაგრამ ისევ სახელმწიფოს დავუბრუნებდი საჩუქრად.

რაც შეეხება ხეებს, კიდევ ერთხელ გავაკეთებ განმარტებას, მე მაქვს ეს გატაცება და არცერთ შემთხვევაში, თავს უფლებას არ მივცემ, რომ ამით ვინმე დავაზიანო.

კითხვას ვეთანხმები, რომ შესაძლოა, გადაჭარბებული იყოს, რომ ამდენ თანხას ვხარჯავ ხეების გადატანაზე, ჩამოტანაზე თუ დარგვაზე“, – აცხადებს ივანიშვილი.

 

timer.ge თაიმერი
: timer.ge თაიმერი თებერვალი 25, 2016 23:20

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,691
ვიზიტორი
დღეში
Powered By Google Analytics