ქუთაისის სააპელაციო სასამართლომ პროკურატურის საჩივარი დააკმაყოფილა და გიგა ოთხოზორიას განზრახ მკვლელობაში ბრალდებულ რაშიდ კანჯი-ოღლის 14 წლით თავისუფლების აღკვეთა დაუსწრებლად მიუსაჯა.
ცნობისთვის, ზუგდიდის რაიონულმა სასამართლომ კანჯი-ოღლი დამნაშავედ 2016 წლის 26 დეკემბერს ცნო და სასჯელის ზომად 12 წლით თავისუფლების აღკვეთა განუსაზღვრა.
გიგა ოთხოზორია ე.წ. მესაზღვრემ 19 მაისს, დაახლოებით, 15:00 საათზე, ხურჩა-ნაბაკევის საზღვართან, საქართველოს მიერ კონტროლირებად ტერიტორიაზე ცეცხლსასროლი იარაღიდან გასროლით მოკლა.
აფხაზური გამოცემების ინფორმაციით, ოთხოზორიას მკვლელობაში ბრალდებულ რაშიდ კანჯი ოღლუს ოკუპირებული აფხაზეთის დე-ფაქტო სამხედრო სასამართლომ შინა პატიმრობა მიუსაჯა.
