ზუგდიდიდან თბილისში მომავალი მატარებელის მგზავრებს რამდენიმე საათის განმავლობაში ელექტროენერგიისა და გათბობის გარეშე მოუწიათ ყოფნა . შემადგენლობა ზესტაფონის რაიონში იყო გაჩერებული.
“რუსთავი2”-ის ინფორმაციით, მატარებელი სამჯერ სხვადასხვა სადგურში გაჩერდა, რის შემდეგაც ის დამხმარე ელმავალს ჩააბეს. ბოლოს მგზავრები სხვა მატარებელში გადაიყვანეს.
შემადგენლობა თბილისში 5 საათის დაგვიანებით ჩამოვიდა. “საქართველოს რკინიგზაში” კი ირწმუნებიან, რომ მგზავრებს ლოდინი მხოლოდ ერთი საათის განმავლობაში მოუწიათ.
