თქვენ უნდა იყოთ წარმატებული ქვეყანა, გქონდეთ საუკეთესო უნივერისტეტები, ჯანდაცვა, ეკონომიკური ზრდა, დანერგოთ რეფორმები და ამის შემდეგ გახდებით მიმზიდველი აფხაზეთში და სამხრეთ ოსეთში მცხოვრები ადამიანებისთვის, – ამის შესახებ მაკკეინის ინსტიტუტის წარმომადგენელმა, კურტ ვოლკერმა ჟურნალისტებთან განაცხადა.
“რუსეთისგან ამ მიმართულებით პოზიციის ცვლას არ უნდა ველოდოთ, თუმცა, რამდენადაც წარმატებული იქნება საქართველო, მით მეტად ენდომებათ ამ რეგიონებს რეინტეგრაცია”,- აღნიშნა ვოლკერმა.
მისივე თქმით, საქართველო მზად უნდა იყოს ნატო-ში გაწევრიანებისთვის, რადგან როცა ალიანსი გაფართოებას გადაწყვეტს, ქვეყანადა მზად უნდა იყოს.
“რაც შეეხება ნატო-ში გაწევრიანებას, საქართველო უნდა მოემზადოს ამისთვის. ალიანსი ამ ეტაპზე გაფართოვებისთვის მზად არ არის, მაგრამ როცა ეს მომენტი დადგება, საქართველო უნდა იყოს მზად”,- განაცხადა ვოლკერმა.
