მმართველი გუნდის ერთ-ერთი ლიდერი თამაზ მეჭიაური თავდაცვის მინისტრის თინა ხიდაშელის განცხადებას ეხმაურება და მას სამზარეულოში დაბრუნებას ურჩევს.
„ჯერ ერთი, მას ვალდებულება აქვს პარლამენტის წინაშე, აბდაუბდა კი მთლიანად მისი ეს განცხადებაა. ქალბატონია და არ მინდოდა, მისთვის შეურაცხყოფა მიმეყენებინა, მაგრამ, რადგან ეს ქალბატონი ყველაზე მამაკაცურ პოსტს იკავებს, თავს ვალდებულად ვთვლი, თუნდაც ორი სიტყვით ვუპასუხო- „ქალი უნდა იყოს „კუხნაში“, თუ იქ მაინც გამოდგება“- აცხადებს თამაზ მეჭიაური გაზეთ „ალიასთან“.