რუსეთის პრეზიდენტმა ვლადიმერ პუტინმა რუსული გამანადგურებელი სუ-24-ის თურქეთის სამხედრო ძალების მიერ ჩამოგდებას, რომელიც სირიის ცაზე მოხდა, „ზურგში დარტყმა“ უწოდა – ამის შესახებ მან იორდანიის მეფე აბდალა მე-2-სთან სოჭში გამართულ შეხვედრაზე განაცხადა. „მომხდარი ტერორიზმთან ბრძოლის ჩვეულებრივ ჩარჩოებს სცილდება. ცხადია, ჩვენი სამხედროები ტერორთან გმირულ ბრძოლას აწარმოებენ , მაგრამ დღევანდელი დანაკარგი დაკავშირებულია დარტყმასთან, რომელიც ტერორისტების მხარდამჭერებმა ზურგში განახორციელეს. სხვანაირ კვალიფიკაციას მე ამას ვერ მივცემ. ჩვენი თვითმფრინავი სირიის ტერიტორიაზე რაკეტა „ჰაერი-ჰაერით“ იქნა ჩამოგდებული თურქული გამანადგურებლის ფ-16-ის მიერ“ – განაცხადა რუსეთის პრეზიდენტმა.
