გაეროს კლიმატის კონფერენციის გახსნაზე სიტყვით გამოსვლისას, რუსეთის პრეზიდენტმა ვლადიმირ პუტინმა განაცხადა, რომ რუსეთის დამსახურებით შესაძლებელი გახდა ერთი წლით შეჩერებულიყო გლობალური დათბობის ზრდა.
“ჩვენ კიოტოს 1991-2012 წლების პროტოკოლი ზედმიწევნით შევასრულეთ. რუსეთმა არა თუ არ დაუშვა პარნიკული გაზების გაზრდა, არამედ, მნიშვნელოვნად შეამცირა ის. ამის დამსახურებით ატმოსფეროში 40 მილიარდი ტონის ექვივალენტი გაზი არ მოხვდა” – განაცხადა პუტინმა.
მისივე თქმით, 2010 წლისთვის რუსეთი ეკონომიკური ენერგომაჩვენებლის 13, 5%-ით შემცირებას გეგმავს, 2030 წლისთვის კი მის გაზრდას აპირებს 70%-მდე 1990 წლის საბაზო მონაცემებთან შედარებით.
რუსეთს პარნიკული გაზების ატმოსფეროში ნარჩენის მოცულობა იმაზე ნაკლები აქვს, ვიდრე აშშ-ს, ინდოეთს, ჩინეთს, კანადას, იაპონიას და ბრაზილიას.
დღეს პარიზში გამართული კონფერენცია კლიმატის ცვლილებებს შეეხო. მასში 150 ქვეყნის ლიდერები მონაწილეობენ.