“პროკურორ ვახტანგ ქირიას არანაირი შეხება არ ჰქონია ე.წ. კასრების საქმეზე მიმდინარე გამოძიებასთან,” – ამის შესახებ განცხადება პროკურატურაში გაკეთდა.
პროკურატურაში განმარტავენ, რომ კასრების საქმეზე გამოძიება 2013 წლის 15 ივნისს, შინაგან საქმეთა სამინისტროს ანტიკორუფციულ სააგენტოში დაიწყო და მასზე საპროცესო ხელმძღვანელობას ახორციელებდნენ მთავარი პროკურატურის შესაბამისი დეპარტამენტის პროკურორები გიორგი კავსაძე და ზვიად ფხაკაძე.
მათივე განმარტებით, განაჩენი გასაჩივრებულია ბრალდების მხარის მიერ და თბილისის სააპელაციო სასამართლოში აღნიშნული პროკურორების მონაწილეობით მიმდინარეობს საქმის განხილვა და ვისაც სურვილი აქვს შეუძია დაესწროს პროცესს.
