გიორგი მარგველაშვილმა იტალიელ ხალხს და იტალიაში მიწისძვრის შედეგად დაღუპულთა ოჯახებს ქართველი ხალხის სახელით მიუსამძიმრა.
“ღრმა მწუხარებით მივიღეთ ცნობა იტალიაში მომხდარი კატასტროფული მიწისძვრის შესახებ.
ამ ძნელბედობის ჟამს, როდესაც ასობით უდანაშაულო სიცოცხლე და ოჯახო შეეწირა სასტიკ სტიქიას, ქართველი ხალხისა და პირადად ჩემი სახელით, გიცხადებთ თანადგომას და ვგლოვობ იტალიელ ხალხთან, მთელ მსოფლიოსთან და თქვენს მეგობრებთან ერთად”, – აღნიშნულია ჩანაწერში.
იტალიაში, დამანგრეველი მიწისძვრის შედეგად, 250 ადამიანი დაიღუპა, 370 კი, სხვადასხვა დაზიანებებით საავადმყოფოშია მოთავსებული.
იტალიაში, ადგილობრივი დროით 03:36 საათზე, 6.2 მაგნიტუდის სიმძლავრის მიწისძვრა 24აგვისტოს მოხდა.
