პრემიერ-მინისტრი მედიის წარმომადგენლებს თავისუფალი პრესის მსოფლიო დღეს ულოცავს

ქეთი ფერაძე
: ქეთი ფერაძე მაისი 3, 2018 11:02

პრემიერ-მინისტრი მედიის წარმომადგენლებს თავისუფალი პრესის მსოფლიო დღეს ულოცავს

პრემიერ-მინისტრი მედიის წარმომადგენლებს თავისუფალი პრესის მსოფლიო დღეს ულოცავს. როგორც გიორგო კვირიკაშვილმა მთავრობის დღევანდელ სხდომაზე განაცხადა, მედიის თავისუფლების კუთხით, საქართველოში უმნიშვნელოვანესი ცვლილება მოხდა.

პრემიერ-მინისტრის თქმით, 2011-2012 წლებში პრესის თავისუფლების შეფასების კუთხით საერთაშორისო ორგანიზაციის „რეპორტიორები საზღვრებს გარეშე“ რეიტინგში საქართველოს 105-ე ადგილი ეკავა, დღეს კი 61-ე ადგილზეა.

„3 მაისი თავისუფალი პრესის მსოფლიო დღეა. მინდა, მოგილოცოთ მედიის წარმომადგენლებს. ძალიან მნიშვნელოვანია, რომ საქართველოში უმნიშვნელოვანესი ცვლილება მოხდა მედიის თავისუფლების კუთხით.

საერთაშორისო ორგანიზაცია “რეპორტიორები საზღვრებს გარეშე” ამ ცვლილებას ძალიან დადებითად აფასებს. 2011-2012 წლებში, პრესის თავისუფლების შეფასების კუთხით ამ ყველაზე მაღალი რეპუტაციის ორგანიზაციის რეიტინგში საქართველოს 105-ე ადგილი ეკავა, დღეს კი 61-ე ადგილზე ვართ. სხვათა შორის, ვუსწრებთ არაერთ ევროპულ სახელმწიფოს და მგონია, რომ ეს არის ძალიან მნიშვნელოვანი, რათა ჩვენს მოქალაქეებს ჰქონდეთ დამოუკიდებელი და ობიექტური ინფორმაცია.

ვფიქრობ, ეს არის დიდი მონაპოვარი, რომელსაც გაფრთხილება უნდა. რამდენიმე დღის წინ ამ ორგანიზაციამ სამი საფეხურით კიდევ უფრო მაღლა, 64-დან 61-ე ადგილზე გადაანაცვლა საქართველო, რაც უდავოდ ძალიან კარგია“,- განაცხადა პრემიერ-მინისტრმა.

გიორგი კვირიკაშვილმა მედიის წარმომადგენლებს მიმართა, რომ მოქალაქეებს სჭირდებათ როგორც პრობლემებზე, ასევე პოზიტივზე საუბარი.

„მინდა, თხოვნით მივმართო მედიის წარმომადგენლებს – ჩვენს მოქალაქეებს სჭირდებათ როგორც პრობლემებზე, ასევე პოზიტივზე საუბარი. ხვალინდელი დღის იმედი არის აბსოლუტურად მატერიალური. ის ამოძრავებს ეკონომიკას, ინვესტიციებს, ადამიანებს გრძელვადიანი განვითარების პერსპექტივაზე პოზიტიურ მოლოდინებს უქმნის და ძალიან მნიშვნელოვანია, ჩვენს ქვეყანაში ასეთი მოლოდინები არსებობდეს, მით უმეტეს, რომ მათ ამისთვის აბსოლუტურად ობიექტური საფუძველი აქვთ“,- განაცხადა გიორგი კვირიკაშვილმა.

ქეთი ფერაძე
: ქეთი ფერაძე მაისი 3, 2018 11:02

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,849
ვიზიტორი
დღეში
Powered By Google Analytics