დაუჯერებელი და სულისშემძვრელი შემთხვევა მოხდა ბრაზილიის შტატ სან პაულუს ქალაქ კამპინასში, სადაც დედის მიერ სანაგვეზე გადაგდებული ახალშობილი მაწანწალა ძაღლმა იპოვა და გადაარჩინა.
ბრაზილიური მედიის მიერ გავრცელებული ინფორმაციით და ფოტოებით, რომლებიც თვითმხილველების მიერ იქნა გადაღებული, ცნობილი გახდა, რომ კამპინასის ღარიბულ უბანში უგულო დედამ თავისი ახალშობილი სანაგავეზე გადააგდო. გარკვეული პერიოდის შემდეგ ამ სანაგვეზე ახალშობილი ბავშვი, რომელსაც ჭიპლარიც კი არ ჰქონდა მოჭრილი, მაწანწალა ძაღლმა იპოვა. კბილებით ფრთხილად აიყვანა და იქვე ახლოს მცხოვრებ ერთ-ერთ ოჯახში მიიყვანა, რომლის დიასახლისმა ძაღლის კბილებში მოთავსებული ახალშობილის დანახვისას შოკი განიცადა, თუმცა მალე მოიკრიბა ძალა და ბავშვს მივარდა გადასარჩენად. მოკლე ხანში უბნის მცხოვრებლებმა ბავშვი საავადმყოფოში გადაიყვანეს.
