დღეს, 20 დეკემბერს ფოთში საპროტესტო აქცია გაიმართა. აქციის მონაწილეები ქალაქში თევზის სუნს აპროტესტებენ. დემონსტრაციაში დაახლეობით 300 ადამიანი მონაწილეობდა.
აქტივისტებმა განაცხადეს, რომ ქალაქში ოთხი თევზის ქარხანა მუშაობს და არც ერთ მათგანს სპეციალური ფილტრი არ გააჩნია. სეზონზე კი მთელს ქალაქს აწუხებს თევზის სუნი.
“საწარმოების ხელმძღვანელები არ აყენებენ სპეციალურ ფილტრებს, იმიტომ, რომ ძვირი ღირს, მათ ურჩევნიათ მიზერული ჯარიმა გადაიხადონ, ვიდრე ფილტრი იყიდონ” – განაცხადა ერთ-ერთმა აქტივისტმა.
დემონსტრანტებმა ადგილობრივი მთავრობისგან საჯარიმო სანქციების გამკაცრება მოითხოვეს. წინააღმდეგ შემთხევვაში ისინი საპროტესტო აქციებით იმუქრებიან – ინფორმაციას რუსული მედია ავრცელებს.
