უკრაინის პრეზიდენტმა პეტრე პოროშენკომ სლოვაკ კოლეგასთან ანდრეი კისკთან უკრაინის ევროინტეგრაციის პერსპექტივების საკითხი განიხილა. ორი ქვეყნის ლიდერის შეხვედრა დღეს გაიმართა სტამბულში, გაეროს ჰუმანიტარულ მსოფლიო სამიტზე – პოროშენკოს პრეს-სამსახური წერს.
“კერძოდ, საუბარი იყო, სლოვაკური მხარის დახმარებაზე, უკრაინის ეკონომიკის რეფორმირების საკითხში, ასევე მათი მხრიდან ევროკავშირის ხელმძღვანელ ორგანებში უკრაინისთვის უვიზო რეჟიმის შესახებ გადაწყვეტილების მიღებაში მხარდაჭერაზე” – საუბარია განცხადებაში.
