პოლონეთის ჯანდაცვის სამინისტრო 37 მილიონ ზლოტს (8,5 მილიონი ევრო) გამოყოფს ჯარისკაცებში ჭარბცხიმიანობასთან საბრძოლველად და იმისათვის, რომ მათ სწორად კვება ასწავლონ – ადგილობრივი მედია წერს.
ვარშავას უმაღლესი ჰიგიენისა და ეპიდემიოლოგიის ინსტიტუტის მონაცემებით, პოლონელი ჯარისკაცების დაახლოებით 60 % ჭარბი წონისგან იტანჯება. ექიმების თქმით, ეს არაჯანსაღი საჭმელითა და უმოძრაობით არის გამოწვეული.
როგორც კვლევებით დადგინდა, ყველაზე ხშირად ცხიმიანობის პრობლემა 25-დან 35 წლამდე ასაკის ახალგაზრდებს აწუხებთ. კვლევებითვე გამოჩნდა, რომ აღნიშნული პრობლემა ასევე ეხებათ პოლიციის და სახანძრო სამსახურის თანამშრომლებს.