პეტერბურგში იგეგმება შოთა რუსთაველის ბრინჯაოს ბიუსტის დადგმა, მისივე სახელობის ქუჩაზე.
ბიუსტის დადგმის ინიციატორია პერეტბურგში არსებული სააქციონერო საზოგადოება „აისი“, რომელიც წარმოადგენს სრულიად საქართველოს შოთა რუსთაველის საზოგადოების ფილიალს სანკტ-პეტერბურგში.
პროექტის და სამუშაოების დაფინანსება მოხდება ამ საზოგადოების მიერ. ქანდაკების დადგმის შემდეგ ის გადაეცემა სანკტ-პეტერბურგის საკუთრებაში.
სკულპტურის ავტორებია ა. ივანოვი და მ. ცხილაძე, არქიტექტორი – ვ. ბუხაევი. პროექტმა დადებითი შეფასება მიიღო ქალაქის არქიტექტურისა და მშენებლობის კომიტეტისგან.