რუსეთის პრეზიდენტის ვლადიმირ პუტინის პრეს-მდივანმა დიმიტრი პესკოვმა ტელეარხ ABC News-თან ინტერვიუში, სადაც მან აშშ-რუსეთის ურთიერთობებზე ისაუბრა, თქვა, რომ მიმდინარე მომენტში ორ ქვეყანას შორის ურთიერთობა იმაზე უარესია, ვიდრე “ცივი ომის” დროს.
წამყვანის შეკითხვაზე, იმყოფებიან თუ არა რუსეთ-ამერიკა “ახალი ცივი ომის” წინაშე, პესკოვმა უპასუხა: “ახალი “ცივი ომი?” იქნებ უარესიც, თუკი მიმდინარე პრეზიდენტის ადმინისტრაციის მოქმედებებს გავითვალისწინებთ”. მან, ამასთანავე, აღნიშნა, რომ პუტინის და ტრამპის შეხვედრამ, შესაძლებელია, ურთიერთობები შეცვალოს.