ფეხბურთის ფედერაციასთან გამართულ აქციაზე დაკავებული 8 პირის სასამართლო პროცესი გადაიდო. მომდევნო პროცესი 30 ნოემბერს ჩატარდება, მანამდე კი დაკავებული შვიდი პირი სასამართლო დარბაზშივე გაათავისუფლეს. პროცესის გადადების მოტივი დამატებითი მტკიცებულებების მოპოვება გახდა. მოსამართლის გადაწყვეტილებით, მხარეებმა საქმეზე უნდა წარადგინონ იმის დამადასტურებელი მტკიცებულებები, ჰქონდა თუ არა რაიმე სახის სამართალდარღვევას ადგილი.
ასევე ჩატარდა კიდევ ერთ-ერთი დაკავებულის გიორგი ჭელიძის სასამართლო პროცესი, რომელსაც თავად ჭელიძე არ ესწრებოდა. როგორც ცნობილია, ჭელიძე ფიზიკური დაზიანებების გამო ღუდუშაურის საავადმყოფოშია მოთავსებული.