ფეხბურთის ფედერაცია მზადყოფნას გამოთქვამს, მსაჯის გარდაცვალების საქმეზე გამოძიებასთან ითანამშრომლოს

ქეთი ფერაძე
: ქეთი ფერაძე დეკემბერი 7, 2017 12:30

ფეხბურთის ფედერაცია მზადყოფნას გამოთქვამს, მსაჯის გარდაცვალების საქმეზე გამოძიებასთან ითანამშრომლოს

ქართველი მსაჯის, ილია ტუღუშის გარდაცვალების ფაქტზე საქართველოს ფეხბურთის ფედერაცია განცხადებას ავრცელებს, რომელსაც უცვლელად გთავაზობთ:

„მოგეხსენებათ, 6 დეკემბერს გავრცელდა ინფორმაცია ქართველი მსაჯის, ილია ტუღუშის ტრაგიკული გარდაცვალების შესახებ. ილია ტუღუში 10 წელზე მეტი ხნის განმავლობაში მსაჯობდა საქართველოს ჩემპიონატის ასაკობრივ პირველობებსა და სხვადასხვა ლიგებს.

საქართველოს ფეხბურთის ფედერაცია კიდევ ერთხელ, ღრმა მწუხარებას გამოთქვამს აღნიშნულის გამო და უსამძიმრებს დაღუპულის ოჯახის წევრებს, მეგობრებს, ახლობლებსა და სრულიად საფეხბურთო სამყაროს.

გვსურს, მკაფიოდ დავაფიქსიროთ, რომ საქართველოს ფეხბურთის ფედერაცია გამოთქვამს სრულ მზადყოფნას, საჭიროების შემთხვევაში, აღნიშნულ ფაქტზე ითანამშრომლოს სამართალდამცავ უწყებებთან და ამასთან, ვიმედოვნებთ, რომ ეს შემთხვევა უმოკლეს ვადაში იქნება გამოძიებული“, – ნათქვამია სფფ-ის განცხადებაში.

6 დეკემბერს ქართველი მსაჯი ილია ტუღუში მალთაყვის ტყეში გარდაცვლილი იპოვეს. შინაგან საქმეთა სამინისტრომ გამოძიება თვითმკვლელობამდე მიყვანის მუხლით დაიწყო.

ქეთი ფერაძე
: ქეთი ფერაძე დეკემბერი 7, 2017 12:30

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,792
ვიზიტორი
დღეში
Powered By Google Analytics