ფედერიკა მოგერინიმ საქართველოში ოფიციალური ვიზიტი დაასრულა

უსაფრთხოებისა და საგარეო პოლიტიკის საკითხებში ევროკავშირის უმაღლესმა წარმომადგენელმა ფედერიკა მოგერინიმ საქართველოში ოფიციალური ვიზიტი დაასრულა.
როგორც “თაიმერს” საქართველოს საგარეო საქმეთა სამინისტროდან აცნობეს, ევროკომისიის ვიცე-პრეზიდენტი საქართველოს ვიცე-პრემიერმა, საგარეო საქმეთა მინისტრმა გიორგი კვირიკაშვილმა გააცილა.
მინისტრმა მადლობა გადაუხადა ევროკავშირის უმაღლეს წარმომადგენელს საქართველოში სტუმრობისთვის და კვლავ დაადასტურა საქართველოს მთავრობის ძალისხმევა ქვეყნის ევროინტეგრაციის მიმართულებით ერთობლივი მუშაობისა და ევროპული, დემოკრატიული სახელმწიფოს მშენებლობის პროცესში ევროკავშირთან მჭიდრო თანამშრომლობის შესახებ.
ევროკავშირის უმაღლესი წარმომადგენელი საქართველოს 9 ნოემბერს ეწვია. ფედერიკა მოგერინიმ შეხვედრები გამართა საქართველოს საკანონმდებლო და აღმასრულებელი ხელისუფლების წარმომადგენლებთან, ასევე მონაწილეობა მიიღო გენდერული თანასწორობის საკითხებზე მაღალი დონის საერთაშორისო კონფერენციაში – “გენდერული თანასწორობისკენ – მიღწევები და შესაძლებლობები ევროპული სამეზობლო პოლიტიკის რეგიონში”, რომელიც საქართველოს ხელისუფლების ინიციატივითა და ევროკავშირისა და გაერო-ს თანადგომით ჩატარდა.

banner
წინა სტატიაშიფედერიკა მოგერინი საოკუპაციო რეგიონს ეწვია
შემდეგი სტატია,,შთაბეჭდილება მრჩება, რომ ოპონენტებს ეს შუამდგომლობა წაკითხულიც არ აქვთ“