თბილისის 67-ე საჯარო სკოლაში დაძაბული ვითარებაა. ადგილზე მობილიზებულია საპატრულო პოლიცია. დღეიდან პროტესტის ნიშნად მოსწავლეები და მასწავლებლების ნაწილი სასწავლო პროცესის ჩაშლას გეგმავენ. პედაგოგების ნაწილი აცხადებს, რომ არ ჩაატარებენ გაკვეთილებს მანამ, სანამ სკოლის დირექტორი მარიამ თავართქილაძე თანამდებობას არ დატოვებს. მშობლების ნაწილი კი აქციის გამართვას და გაკვეთილების ჩაშლას გაუმართლებლად მიიჩნევს. თავართქილაძე უკვე მივიდა სკოლაში, თუმცა ის აქციის მონაწილეებს არ გასაუბრებია.
