საქართველოს პრეზიდენტის და საკონსტიტუციო თავმჯდომარის მიერ ზეწოლებთან დაკავშირებით გავრცელებულ განცხადებებზე დაწყებულ გამოძიებაზე მმართველ გუნდში აცხადებენ, რომ ამ ინფორმაციასთან შემხებლობაში ყველა პირმა უნდა ითანამშრომლოს საგამოძიებო უწყებასთან.
”კარგია, რომ მიუხედავად იმისა, რომ პროკურატურასთან კომუნიკაცია სამწუხაროდ არ ჰქონდა საკონსტიტუციო სასამართლოს თავმჯდომარეს, პროკურატურამ დაიწყო გამოიძება და სწორედ ამ გამოძიების ფარგლებში პროკურატურა მოიპოვებს ყველა მტკიცებულებას, თუ კი რაიმე არსებობს ამ საქმეზე. დარწმუნებული ვარ, პასუხი გაეცემა ყველა კითხვას. შესაბამისად, ყველა იმ პირმა, ვისაც შეიძლება აქვს რაიმე ინფორმაცია უნდა ითანამშრომლოს საგამოძიებო ორგანოსთან“ – განაცხადა საქართველოს პარლამენტის თავმჯდომარის პირველი მოადგილემ მანანა კობახიძემ.
