პარიზის მახლობლად მდებარე პატარა სოფელი ლევილი, რომელსაც მეოცე საუკუნის საქართველოს მნიშვნელოვანი მოვლენები უკავშირდება, კიდევ ერთ ისტორიულ თარიღს – 23 სექტემბერს შეიძენს.
ადგილი, სადაც საქართველოს პირველი დემოკრატიული რესპუბლიკის დევნილობაში მყოფმა მთავრობამ ქართული კერა შექმნა, მათივე ანდერძის თანახმად ათწლეულების დაგვიანებით საქართველოს სახელმწიფოს საკუთრება გახდება. მამულის საქართველოსთვის გადმოცემას ხელი ლევილის ტერიტორიაზე მოეწერება.
საქართველოს მთავრობის მიერ გამოყოფილი თანხებით ჩატარდა დიაგნოსტიკური სამუშაოები, ხელი მოეწერა 2 მნიშვნელოვან სამთავრობო განკარგულებას, რის მიხედვითაც საქართველო ლევილის მამულების გადმოცემის შემდეგ ვრცელ სარეაბილიტაციო და სარესტავრაციო სამუშაოებს ჩაატარებს.
