პარიზში სენას დონე ნელ-ნელა ვარდება მას შემდეგ, რაც უკანასკნელი 34 წლის მანძილზე რეკორდულ მაჩვენებელს მიაღწია – პარასკევს მდინარემ ჩვეულზე 6 მეტრით მოიმატა.
წყალდიდობის საშიშროების გამო პარიზის მეტრო ნაწილობრივ დახურეს, რამდენიმე ტურისტული ადგილიც, კერძოდ კი ლუვრი და ორსეის მუზეუმი, ასევე მრავალი პარკი და სასაფლაოები.
სინოპტიკოსები წყლის დონის 6,5 მეტრით ადიდებას ვარაუდობდნენ, მაგრამ წყალმა შაბათიდან ნელ-ნელა კლება დაიწყო.
სენას დონე 7,1 მეტრამდე იყო აწეული 1955 წელს, 1982 წელს მან 6,16 მეტრს მიაღწია.
