მოძრაობა ”პაატა ბურჭულაძე – სახელმწიფო ხალხისთვის” მცხეთის 37-ე ოლქში მხარს მაჟორიტარობის დამოუკიდებელ კანდიდატს ცეზარ ჩოჩელს უჭერს, – ამის შესახებ მოძრაობის მიერ გავრცელებულ ინფორმაციაშია ნათქვამი.
გუშინ პაატა ბურჭულაძემ აღმოსავლეთ საქართველოს მაჟორიტარობის კანდიდატები წარადგინა.
”რაც შეეხება მცხეთის 37-ე ოლქს, ჩვენი პარტია მხარს უჭერს მაჟორიტარობის დამოუკიდებელ კანდიდატს ცეზარ ჩოჩელს”, – ნათქვამია ”პაატა ბურჭულაძე – სახელმწიფო ხალხისთვის” პრესსამსახურის მიერ გავრცელებულ ინფორმაციაში.
შეგახსენებთ ,,თაიმერი” აღნიშნულ ინფორმაციას ექსკლუზიურად რამდენიმე თვის წინ წერდა.