ორი მაღალჩინოსანი სამხედრო მოსამსახურე, რომლებსაც გენერლის წოდება აქვთ და სახმელეთო ჯარების უმაღლესი ხელმღვანელების შემადგელობაში იყვნენ, გადადგნენ.
როგორც ადგილობრივი მედია ავრცელებს, მათი სახელებია გენერლები კამილე ბაშოღლუ და იხსანე უიარე – “ბიბისი” წერს.
შეგახსენებთ, რომ 16 ივლისს თურქეთში სამხედრო გადატრიალების მცდელობა იყო. უკანასკნელი მონაცემებით, პუტჩის დროს დაიღუპა 246 ადამიანი (მათ რიცხვში არ შედის დაღუპული ამბოხებულები), 2185-მა ადამიანმა დაზიანებები მიიღო.
გადატრიალების მცდელობასთან კავშირის გამო დაკავებული ან თანამდებობიდან დროებით განთავისუფლებულია 60 ათასზე მეტი ადამიანი, მათ შორის 9 ათასი პოლიციელი, 3 ათასი მოსამართლე, ასევე უნივერსიტეტების პედაგოგები და 1 500-მდე დეკანი, დაიხურა 2 ათასზე მეტი ორგანიზაცია. გუშინ, თურქეთის შს მინისტრის ეფკან ალას მიერ გაკეთებული განცხადების თანახმად, გადატრიალების მცდელობაში მონაწილეობის გამო დაკავებულია 15 ათასი ადამიანი, მათ შორის 10 ათასი სამხედრო მოსამსახურე.
დაკეტილია ასობით მედია-საშუალება.
