საზღვრის უკანონო კვეთის ბრალდებით ოკუპირებულ აფხაზეთში რუსმა სამხედროებმა საქართველოს ერთი მოქალაქე დააკავეს. ამის შესახებ ინფორმაციას დე ფაქტო აფხაზეთის ე.წ. შინაგან საქმეთა სამინისტრო ავრცელებს.
ამავე ინფორმაციით, დაკავებულია ქუთაისის მკვიდრი, 1986 წელს დაბადებული ალექსანდრე ნაცვლიშვილი.
ინფორმაციას სახელმწიფო უსაფრთხოების სამსახურში ადასტურებენ.
ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია.
