„ოჯახის სიწმინდისა და სიმტკიცის დაცვის დღესთან“ დაკავშირებით მსვლელობა მიმდინარეობს

„ოჯახის სიწმინდისა და სიმტკიცის დაცვის დღესთან“ დაკავშირებით, თბილისში, ფილარმონიის ტერიტორიიდან მსვლელობა დაიწყო. ადგილზე გვარების წარმომადგენლები შეიკრიბნენ, რომლებიც სხვადასხვა დროს სრულიად საქართველოს კათოლიკოს-პატრიარქმა, ილია მეორემ დალოცა.

მსვლელობა ვარდების მოედნის მიმართულებით დაიძრა, საიდანაც აწყურის ღვთისმშობლის ხატით გაგრძელდება.

მსვლელობის მონაწილეების განცხადებით, ისინი ქაშუეთის ტაძართან შეჩერდებიან, სადაც სასულიერო პირები დალოცავენ, შეუერთდებათ მრევლის ნაწილი და მსვლელობა ერთობლივად სამების საკათედრო ტაძრისკენ გაგრძელდება.

სამებაში მსვლელობის მონაწილეებს სრულიად საქართველოს კათოლიკოს-პატრიარქი დახვდება, სადაც სამადლობელ პარაკლისს გადაიხდიან.

banner
წინა სტატიაშიგაუქმებული აქცია – ლგბტ საზოგადეობას არ აქვს განცდა, რომ მათი უსაფრთხოება იქნება დაცული
შემდეგი სტატიაეკა ბესელია : 17 მაისის აქციის მონაწილეებისთვის სახელმწიფოს არანაირი ამკრძალავი წინაპირობა არ შეუქმნია