ოდიოზური მოსამართლეების უვადოდ გამწესება სასამართლო სისტემაში პრობლემატურია – ეკა გიგაური

ქეთი ფერაძე
: ქეთი ფერაძე ნოემბერი 10, 2017 12:51

ოდიოზური მოსამართლეების უვადოდ გამწესება სასამართლო სისტემაში პრობლემატურია – ეკა გიგაური

არასამთავრობო ორგანიზაცია ”საერთაშორისო გამჭვირვალობა – საქართველოს” აღმასრულებელი დირექტორის, ეკა გიგაურის თქმით, უკვე უვადოდ გამწესებული მოსამართლეებიდან, ნაწილის მიმართ კითხვის ნიშნები არსებობს.
გიგაური ამბობს, რომ ოდიოზური მოსამართლეების უვადოდ გამწესება სასამართლო სისტემაში არის პრობლემატური, თუმცა გაუგებარია, დღეს რატომ ეწინააღმდეგებოდა ნინო გვენეტაძე მათ უვადოდ გამწესებას.

„ამ დანიშვნებში მოხვდნენ ისეთი მოსამართლეები, რომლებიც პრობლემატურები იყვნენ წინა წლების განმავლობაშიც და მათ სასამართლო სისტემაში ყოფნა ნამდვილად არ იყო პოზიტიური რამ. მათ საქმიანობასთან დაკავშირებით ძალიან ბევრი კითხვის ნიშანია. ამიტომ, ამ ოდიოზური მოსამართლეების უვადოდ გამწესება სასამართლო სისტემაში ცხადია, რომ არის პრობლემატური. თუ ამას ეწინააღმდეგებოდა უზენაესი სასამართლოს თავმჯდომარე, ჩვენ უნდა ვიცოდეთ ამ შემთხვევაში და ახლა რატომ ეწინააღმდეგებოდა. იმიტომ, რომ თავის დროზე, როდესაც მათი დანიშვნა ხდებოდა, გარკვეული მოსამართლეების რაოდენობას მანაც დაუჭირა მხარი,“ – განაცხადა ეკა გიგაურმა.

შეგახსენებთ, რომ უზენაესი სასამართლოს თავმჯდომარემ ნინო გვენეტაძემ 34 მოსამართლის უვადოდ გამწესების ბრძანებას ხელი გუშინ გვიან ღამით, მოსამართლეებთან შეხვედრის შემდეგ მოაწერა.

ქეთი ფერაძე
: ქეთი ფერაძე ნოემბერი 10, 2017 12:51

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,792
ვიზიტორი
დღეში
Powered By Google Analytics