ლეიბორისტული პარტიის პოლიტიკური მდივნის, გიორგი გუგავას განცხადებით, მილიარდერის მთავრობამ კახელები ჯერ იყო და რთველის დროს გადააგდო, მუქთად ჩააბარებინა ყურძენი, რითაც გააღატაკა ეს მხარე, ახლა კი ყოველგვარი დასაბუთების გარეშე ელექტროენერგიაზე გაუძვირა ტარიფი, რადგანაც ენერგეტიკის სამინისტრომ ის თანხები, რომლებიც უნდა წარმართულიყო ელექტროენერგიის სუბსიდირებისაკენ, გამოწერა პრემიების სახით.
“მინისტრ კალაძეს გადაწყვეტილი აქვს ხელოვნურად გააკოტროს კახეთის ენერგო-დისტრიბუცია და ხელში ჩაიგდოს ოფშორული კომპანიების მეშვეობით, რომელიც დარეგისტრირებულია უცხოეთში. მივმართავთ ხელისუფლებას, კეთილი ინებონ, აღადგინონ ძველებური დაფინანსება და შეუნარჩუნონ მოსახლეობას დაბალი ტარიფი დენზე, სხვა შემთხვევაში ოცნების ხელისუფლების მსხვრევა პირველად დაიწყება სწორედ კახეთიდან”. – განაცხადა გიორგი გუგავამ.
