აშშ-ს პრეზიდენტმა ბარაკ ობამამ ტელეარხ CBS News-თან საუბარში ჰიპოთეთიკურ მესამე ვადის არჩევნებზე შეკითხვას უპასუხა. მისი თქმით, თანამდებობაზე დიდი ხნით ყოფნა უარყოფითად აისახება როგორც სამუშაოზე, ასევე პირად ცხოვრებაზე – ამის შესახებ “ასოშეითედ პრესი” წერს.
“მე არ ვიყრიდი კენჭს მესამე ვადით, რომც შემეძლოს”- განაცხადა ამერიკის პრეზიდენტმა. მისი აზრით, სახელმწიფოს მეთაური მუდმივად უნდა იცვლებოდეს და თეთრ სახლში ახალი ხალხი უნდა მოვიდეს, რომლებიც ენერგიით და იდეებით იქნებიან სავსე.
ჯერჯერობით უცნობია სად დაიწყებს მუშაობას ბარაკ ობამა საპრეზიდენტო ვადის ამოწურვის შემდეგ.