აშშ-ს პრეზიდენტმა ბარაკ ობამამ თურქეთის პრეზიდენტთან რეჯეპ ერდორანთან სატელფონო საუბარში თურქ კოლეგას მოუწოდა ერაყიდან ჯარი გამოიყვანოს – ამის შესახებ თეთრი სახლის პრეს-სამსახური ავრცელებს ინფორმაციას.
“პრეზიდენტმა ობამამ პრეზიდენტ ერდორანს მოუწოდა დამატებითი ზომები მიიღოს კონფლიქტის დეესკალაციისთვის ირანთან დაკავშირებით, მათ შორის, ჯარები უნდა გამოიყვანოს ტერიტორიიდან, ასევე მან თურქეთის სუვერენიტეტისა და ერაყის დამოუკიდებლობისადმი პატივისცემა გამოხატა” – ნათქვამია განცხადებაში.
ორი ქვეყნის ლიდერი შეთანხმდა იმაზე, რომ აშშ, თურქეთი და ერაყი ყველაფერს გააკეთებდნენ იმისათვის, რომ დაძაბულობა განიმუხტოს და საკუთარ სამხედრო ძალებს კოორდინირება გაუწიონ ტერორისტული დაჯგუფება ისლამური სახელმწიფოს წინაარმდეგ.
შეგახსენებთ, რომ 4 დეკემბერს თურქეთმა საკუთარი შეიარაღებული ძალები ერაყის ტერიტორიაზე ქვეყნის მთავრობის თანხმობის გარეშე შეიყვანა. ერაყი თურქეთის ჯარების დაუყოვნებლივ გაყვანას მოითხოვს.