“შევთანხმდით, რომ ზალატოედან, პეტროვსკოედან და სტანიცა ლუგანსკაიადან ჯარების გაყვანის შემდეგ, ეუთოს 24 საათიანმა მონიტორინგის ჯგუფმა უნდა იმუშაოს, რომლის შემდეგადაც მომდევნო ოთხი ადგილიდან დავიწყებთ ჯარების გაყვანას” – განაცხადა ბერლინში “ნორმანდიული ოთხეულის” შეხვედრის დასრულებისთანავე უკრაინის პრეზიდენტმა პეტრე პოროშენკომ.
გერმანიის კანცლერმა, ანგელა მერკელმა კი განაცხადა, რომ მნიშვნელოვანი იყო “ნორმანდიული ოთხეულის” ფორმატის შეხვერდების აღდგენა.
რუსეთის პრეზიდენტმა ვლადიმირ პუტინმა შეხვედრის კომენტირებისას თქვა, რომ “ნორმანდიულმა ოთხეულმა” მოილაპარაკა, თუ რა უნდა გაკეთდეს უახლოეს მომავალში, მათ შორის დონბასში კონფლიქტის მოსაგვარებლად.
შეგახსენებთ, რომ ანგელა მერკელის, ფრანსუა ოლანდის, პეტრე პოროშენკოსა და ვლადიმირ პუტინის შეხვედრა ბერლინში ერთი საათის წინ დასრულდა.