American Airlines-ის სამგზავრო თვითმფრინავმა ნიუ-იორკში ავარიული დაშვება განახორციელა – ABC News-ი ავრცელებს. ინციდენტი დღეს, რამდენიმე საათის წინ მოხდა.
თვითმფრინავის ბორტზე 55 მგზავრი და ეკიპაჟის ოთხი წევრი იმყოფებოდა, რომლებიც ჩრდილოეთ კაროლინას როლი-დარემის საერთაშორისო აეროპორტიდან გამოფრინდნენ. თვითმფრინავი ნიუ-იორკში მიფრინავდა, მაგრამ ლა-გუარდიას აეროპორტის ნაცვლად დაშვება ჯორჯ კენედის აეროპორტში განახორციელა.
როგორც თვითმხილველები ამბობენ, გაისმა ძლიერი ხმა, რომელიც აფეთქებისას გავდა და დაინახეს ძლიერი განათება. ინციდენტის შედეგად არავინ დაზარალებულა.