ტელეკომპანია „რუსთავი 2“-ის გენერალური დირექტორი ნიკა გვარამია შინაგან საქმეთა სამინისტროში გამოკითხვაზეა დაბარებული.
ნიკა გვარამია საგამოძიებო უწყებაში მისვლას ადვოკატთან ერთად, 18:00 საათზე გეგმავს.
მოწმის სტატუსით მისი დაბარება ნიკა გვარამიასა და თბილისის საქალაქო სასამართლოს ყოფილი თავმჯდომარის მამუკა ახვლედიანის საუბრის ამსახველი ფარული ჩანაწერის შესახებ მიმდინარე გამოძიებას უკავშირდება.
აღნიშნულთან დაკავშირებით, „რუსთავი 2“-ის გენერალური დირექტორი დღეს, 15:00 საათზე საგანგებო განცხადებას გააკეთებს.
ახვლედიანსა და გვარამიას შორის საუბრის ფარული ჩანაწერი 3 ოქტომბერს გავრცელდა.