ეროვნულ დემოკრატიული ინსტიტუტის ახალი კვლევის თანახმად, გამოკითხულთა 62%-ს გადაწყვეტილი არ აქვს, ვის მისცემს ხმას ადგილობრივი თვითმმართველობის არჩევნებზე. 35%-მა უკვე გადაწყვიტა, 3%-მა არ იცის, ხოლო 1%-მა პასუხზე უარი განაცხადა.
ასაკობრივი კატეგორიის მიხედვით, ყველაზე მეტი გადაუწყვეტელი (68%) 18-35 წლამდე ახალგაზრდებშია, ყველაზე ნაკლები კი (57%), 56 წელს ზემოთ მოსახლეობაში.
რაც შეეხება დასახლებებს, ყველაზე მეტი გადაუწყვეტელი ამომრჩეველი (69%) უმცირესობათა დასახლებებშია, ყველაზე ნაკლები (59%) – თბილისში.
ამასთან, გამოკითხულთა 57%, სავარაუდოდ, ადგილობრივი თვითმმართველობის არჩევნებზე მისვლას აპირებს, 43% – არა.
ადგილობრივი თვითმმართველობის არჩევნებში სავარაუდო მონაწილეთა 47%-ს გადაწყვეტილი აქვს, ვის მისცემს ხმას, 50%-ს – არა.