NDI – გამოკითხულთა 29% მიიჩნევს, რომ ახალი ადგილობრივი მთავრობა ყველაზე ცუდად საგზაო მოძრაობის საკითხს გაართმევს თავს

ეროვნულ-დემოკრატიული ინსტიტუტის (NDI) მიერ ჩატარებული საზოგადოებრივი აზრის კვლევის თანახმად, გამოკითხულთა 29% მიიჩნევს, რომ ახალი ადგილობრივი მთავრობა ყველაზე ცუდად თავს საგზაო მოძრაობის საკითხს გაართმევს. 46% ფიქრობს, რომ ამ საკითხს ახალი მთავრობა საშუალოდ გაართმევს თავს, 21%-ის აზრით, კარგად, 4%-მა კი არ იცის, როგორ გაართმევს თავს მთავრობა ამ საკითხს.

ამავე კვლევის თანახმად, გამოკითხული რესპონდენტების 27% ფიქრობს, რომ ახალი ადგილობრივი მთავრობა თავს ცუდად გაართმევს მშენებლობებზე ზედამხედველობას, 24%-ის აზრით, კარგად გაართმევს, 43% – საშუალოდ აფასებს, ხოლო 6%-მა არ იცის.

როგორც კვლევაშია აღნიშნული, გამოკითხულთა 20%-ის აზრით, ახალი ადგილობრივი მთავრობა ცუდად გაართმევს თავს ინფრასტრუქტურის განვითარებას განსაკუთრებული საჭიროებების მქონე პირერბისთვის, 51%-ის აზრით – საშუალოდ, 22%-ის აზრით – კარგად, ხოლო 7%-მა არ იცის.

გამოკითხულ რესპონდენტთა 34% ფიქრობს, რომ ახალი ადგილობრივი მთავრობა კარგად გაართმევს თავს საბავშვო ბაღის საკითხებს, 45% ფიქრობს, რომ საშუალოდ, 14% – ცუდად, 7%-მა არ იცის.

კვლევაში მონაწილეთა 31% მიიჩნევს, რომ ახალი ადგილობრივი მთავრობა კარგად გაართმევს თავს პარკებისა და გამწვანების საკითხს, 30% ფიქრობს, რომ კარგად გაართმევს თავს საზოგადოებრივი ტრანსპორტის საკითხს, ხოლო 28%-ს მიაჩნია, რომ ახალი ადგილობრივი მთავრობა კარგად გაართმევს თავს ქუჩების ინფრასტრუქტურას.

კვლევის საველე სამუშაოები ჩატარდა 29 ნოემბერი-19 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2,298 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით.

banner
წინა სტატიაშიNDI – გამოკითხულთა 42% კეთილმოწყობასთან დაკავშირებულ უმთავრეს პრობლემად გარემოს დაბინძურებას მიიჩნევს
შემდეგი სტატიაNDI – გამოკითხულთა რაოდენობა, რომელიც მთავრობის საქმიანობას დადებითად აფასებს, სამი პროცენტით გაიზარდა