დღეს, მას შემდეგ, რაც გავრცელდა, რომ აშშ-ში ნავთობის მარაგი მცირდება და ოპეკის ქვეყნებმა ნავთობის მოპოვება შეამცირეს, ლონდონის ბირჟაზე ნავთობის ფასმა მოიმატა.
Brent-ის მარტის ფიუჩერსებმა ლონდონის ICE Futures-ში 56,75 დოლარამდე მოიმატა, რაც ფასის 0,29$-ით მატებას ნიშნავს. ნავთობ WTI-ის ფიუჩერსმა თებერვლის თვისთვის, ნიუ-იორკის ბირჟაზე 0,27%-ით მოიმატა და 53,52 დოლარი გახდა ერთი ბარელი.
როგორც ამერიკის ნავთობის ინსტიტუტმა გუშინ გაავრცელა, აშშ-ს ნავთობის მარაგი გასულ კვირას 7,43 მილიონი ბარელით შემცირდა.
შეგახსენებთ, რომ დეკემბერში ოპეკის ქვეყნების მიერ ნავთობის მოპოვება დღე-ღამეში 310 ათასით დაეცა და შეადგინა 33,1 მილიონი ბარელი. იანვრიდან ოპეკის ქვეყნები ნავთობის მოპოვებას 32,5 მილიონ ბარელამდე შეამცირებენ.