უკრაინის პრეზიდენტმა პეტრე პოროშენკომ თავის უშტატო მრჩევლად ნატოს ყოფილი გენერალური მდივანი ანდერს ფონ რასმუსენი დანიშნა – რუსეთის დუმაში ეს უკვე მტრულ ნაბიჯად შეაფასეს.
“ანედრს ფონ რასმუსენი უკრაინის პრეზიდენტის მრჩევლად (უშტატო) დაინიშნოს” – წერია დოკუმენტში, რომელიც უკრაინის მთავრობის საიტზეა გამოქვეყნებული.
2014 წელს, როცა რასმუსენი ჯერ კიდეც გენერალური მდივანი იყო, ის უკრაინამ თავისუფლების ორდენით დააჯილდოვა.
რუსეთის დუმას დეპუტატმა, ლეონიდ კალაშნიკოვმა რასმუსენის დანიშვნას “რუსეთისათვის მტრული ჟესტი” უწოდა.
“ჩვენ ყველაფერს გავაკეთებთ უსაფრთხოების სფეროში, ორიენტირებული ვიქნებით ნატოს სტანდარტებისკენ” – განაცხადა უკრაინის პრეზიდენტმა.